Фото: Anadolu Agency
Туркия иқтисодиёт ва технология университети (TOBB ETÜ) 5 кубитли мамлакатдаги биринчи квант компютерни тақдим этди.
Квант компютер — бу маълумотларни қайта ишлашда квант физикаси қонунларидан фойдаланувчи қурилма. Битлар (0 ва 1) билан ишловчи оддий компютерлардан фарқли равишда квант компютерлар кубитлардан фойдаланади. Бу унга мураккаб масалаларни классик компютерлардан сезиларли даражада тезроқ ечиш имконини беради. Хусусан, анъанавий компютерлар минглаб йил сарфлайдиган вазифаларни квант компютер бир неча сония ичида амалга оширади.
5 кубитли турк квант компютерининг тизими ҳозирча дастлабки босқичда, аммо аллақачон оптималлаштириш, криптография, молекуляр моделлаштириш ва сунъий интеллект каби соҳаларда ўз потенциалини намойиш этиб улгурган.
TOBB ETÜ университети ўзларининг мақсади — квант технологияни реал секторга, жумладан, тиббиёт, энергетика ва молия соҳаларига жорий этиш учун шароит яратишдан иборат эканини маълум қилди. Бундай ихтиролар давлат илмий дастурлари ва халқаро экспертлар билан ҳамкорлик ёрдамида амалга оширилмоқда.
Олий таълим маскани вакилларининг сўзларига кўра, 5 кубитли квант компютер — бу биринчи қадам холос. Яқин йилларда технологияни ривожлантириш, кубитлар сонини ошириш ва квант ҳисоблаш имкониятларини кенгайтириш режа қилинган.
«Маълумки, квант компютер мамлакат иқтисодиётида жуда муҳим. Масалан, ундан ядровий реакцияларни аниқ моделлаштириш, ҳисобларни тез амалга ошириш, реакторлар ишини оптималлаштириш ва янги материалларни ишлаб чиқиш орқали атом энергетикасида фойдаланиш мумкин, бу эса соҳанинг самарадорлиги ҳамда хавфсизлигини оширади», — дейилади хабарда.
Эслатиб ўтамиз, 2023 йилда Американинг Google корпорацияси ўта кучли квант компютерини яратишга муваффақ бўлганини эълон қилганди – у суперкомпютер 47 йил сарфлайдиган масаланинг ечимини бир неча сония ичида топади. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Хонанда Рухшона уйланмаган йигитга турмушга чиққани ҳақида сўзлаб берди
Диний қўмита Умра зиёратини ташкил қилиш учун 12 та турфирмага лицензия берди
Майк Тайсон янги рекорд билан бокс тарихига кирди
