Apple баъзи iPhone моделларини сотишни тўхтатади

^{Фото: 9to5mac.com}
Apple яқин вақтгача актуал деб ҳисобланган баъзи iPhone моделларини сотишни муддатидан олдин тўхтатади. Хусусан, гап iPhone SE 2 ва iPhone 14/14 Plus ҳақида кетмоқда, деб хабар берди 9to5Mac.

Компания бу чораларни кўришга мажбур, чунки 2025 йил январидан бошлаб Европа Иттифоқида смартфонларни фақат USB-C зарядловчи порти билан сотишни мажбурловчи талаблар кучга киради.

Ҳозир Apple эски Lightning порти билан жиҳозланган iPhone SE 2, iPhone 14 ва iPhone 14 Plus моделларини сотмоқда. Манбалардан маълум бўлишича, компания юқоридаги моделларни янги порт билан қайта чиқаришни режалаштирмаяпти, шунчаки Европада уларнинг сотувини тўхтатади — бу 2024 йил охиригача содир бўлади.

Миш-мишларга кўра, Apple 2025 йил баҳорида янги 4-авлод iPhone SE моделини чиқаради, албатта у USB-C порти билан жиҳозланади. Тахминларга кўра, янги маҳсулот iPhone 14 моделига ўхшайди, лекин iPhone 16 процессори билан жиҳозланади.

Apple компаниясининг анъанавий жадвалига кўра, 14 ва 14 Plus кейинги йилгача, iPhone 17 серияли смартфонлар чиқарилгунга қадар сотилиши керак эди. Аммо Apple бу чораларни эртароқ кўришга мажбур бўлади. “Замин” янгиликларини “Telegram”да кузатиб боринг