Samsung CES 2025да сунъий интеллектга эга янги мониторларини тақдим этди

Samsung Electronics CES 2025 кўргазмасида Smart, Odyssey ва ViewFinity линияларининг янгиланган мониторларини тақдим этди. Ушбу мониторлар сунъий интеллект технологиялари билан жиҳозланган бўлиб, улардан фойдаланишни янада қулай ва самарали қилади.

Smart линиясидан янгиликлар
Smart Monitor M9 модели AI Picture Optimizer функцияси билан жиҳозланган. Ушбу функция контент турига қараб (ўйинлар, видео ёки иш дастурлари) тасвир созламаларини автоматик равишда оптималлаштиради. Шунингдек, бу моделда 4K AI Upscaling Pro технологияси мавжуд бўлиб, паст сифатдаги тасвирларни юқори аниқликдаги 4K форматига етказади. Монитор OLED экран, 4K аниқлик ва 32 дюймли диагоналга эга.

Odyssey: ўйинчилар учун инновациялар
Odyssey линиясидан бир нечта янгиликлар киритилган, жумладан:

Odyssey OLED G8 — дунёдаги биринчи 27 дюймли 4K OLED монитор. У 240 Гц янгиланиш тезлиги ва 165 PPI пиксел зичлигига эга.
Odyssey OLED G6 — 500 Гц янгиланиш тезлиги билан дунёдаги биринчи OLED монитор.
Ҳар икки модел AMD FreeSync Premium Pro ва NVIDIA G-Sync технологияларини қўллаб-қувватлайди.
Odyssey 3D модели эса махсус кўзойнаксиз 3D контентни кўриш имконини беради. Бу алгоритмик сунъий интеллект ёрдамида 2D тасвирни 3D га айлантириш орқали амалга оширилади.

ViewFinity серияси: каттароқ экран ва эргономик дизайн
ViewFinity S8 модели 37 дюймли, 4K аниқликдаги экран билан жиҳозланган. Бу монитор аввалги моделлардан 34% каттароқ бўлиб,

99% sRGB ранг қамровини таъминлайди.
Монитор TÜV Rheinland томонидан эргономик сертификатга эга бўлган ва кўз ҳимоя қилиш технологияси билан жиҳозланган, бу узоқ вақт ишлашда кўзнинг чарчашини камайтиради.

Samsung CES 2025да технологик инновацияларини яна бир бор намойиш қилиб, монитор соҳасида етакчи ўрнини мустаҳкамлади. “Замин” янгиликларини “Telegram”да кузатиб боринг