TikTok эгаси АҚШ бозоридан чиқишни сотувга қараганда маъқул кўрмоқда

The Washington Post хабарига кўра, TikTok’нинг эгаси ByteDance платформанинг сотилиши бўйича музокараларни атайлаб секинлаштирмоқда. Бунга сабаб АҚШнинг Хитойга қўллаган янги божхона тарифлари бўлиб, компания Хитой ҳукумати рухсатини кутмоқда.

Манбаларига кўра, Хитой ҳукумати АҚШга қатъий жавоб қайтаришни афзал кўриб, TikTok’ни Америка бозоридан чиқариб юборишга сотувдан кўра кўпроқ тайёр. Пекин музокараларда янада катта имтиёзлар олишга умид қилмоқда.

1-феврал куни собиқ АҚШ президенти Дональд Трамп Хитой импортига 10% тариф жорий этиш ҳақида фармон имзолаган эди. Бунга жавобан, Хитой 10-февралдан бошлаб Америка энергия ресурсларига бож тўловларини оширишини эълон қилди.

Россия Давлат Думаси депутати Дмитрий Белик эса АҚШ ва Хитой ўртасидаги савдо уруши глобал иқтисодий барқарорликка таҳдид солиши мумкинлигини таъкидлади. “Замин” янгиликларини “Telegram”да кузатиб боринг