Билл Гейтс Intel’нинг келажагига ишонмайди

Fox Business маълумотига кўра, Intel компанияси молиявий қийинчиликларни бошдан кечирмоқда – тузилмасини ўзгартириш ва дивиденд тўловларини бекор қилиш акциялар курси тушиб кетишига сабаб бўлди. Сўнгги йилларда Intel фақат AMD чипларига бўлган талабдан фойда кўрмоқда.

Microsoft’нинг собиқ раҳбари Билл Гейтс эса Associated Press’га берган интервьюсида Intel’нинг рақобатчиларидан ортда қолганини ва бозор пойгасига қайтиш учун катта инвестициялар кераклигини айтди.

Гейтснинг фикрига кўра:
🔹 Intel AI чипларидаги ўсиш суръатини ўтказиб юборди
🔹 NVIDIA ва Qualcomm каби компанияларнинг илғор ишлаб чиқариш стандартларига мослаша олмади

Шунга қарамай, Intel ҳали ҳам мавжуд молиявий ресурслари ва АҚШ ҳукуматининг кўмаги билан ўзини сақлаб қолмоқда. Янги Panther Lake архитектурали процессорлар чиқарилиши эса компаниянинг оғир молиявий аҳволини яхшилаши мумкин. “Замин” янгиликларини “Telegram”да кузатиб боринг