Google ҳали ҳам қидирув бозорининг 95% улушига эга

Google бозор улушини йўқотмоқда, аммо ҳали ҳам 95% ни назорат қилади.

Сунъий интеллект асосидаги қидирув тизимлари ривожланаётган бўлса-да, Google ҳали ҳам рақобатчиларсиз қолмоқда. Seranking 2024 ҳисоботига кўра, компаниянинг қидирув бозоридаги улуши 0,91% га камайган, аммо у ҳали ҳам 95% органик трафикни таъминлайди.

Энг яқин рақобатчи Microsoft Bing 0,17% ўсиш билан 3,51% га етди. DuckDuckGo ва Yahoo эса бозорнинг 1% дан кам улушига эга бўлиб қолмоқда.

Сунъий интеллект қидирувлари оммалашмоқда

2024-йилда ChatGPT қидируви тез ривожланиб, 0,09% бозор улушига етди, Perplexity эса 0,02% га ўсди. Аммо бу натижалар Google позицияларига жиддий таъсир кўрсатмайди.

Microsoft Bing’га сунъий интеллект интеграциясини жорий қилиб, Google фойдаланувчиларини ўзига жалб қилишни режалаштирмоқда. Аммо Google AI Overviews ва Gemini 2.0 каби инновацион технологиялари билан ўз етакчилигини сақлаб қоляпти.

Google ҳозирча 24 баробар катта улушга эга бўлиб, қидирув бозорининг мутлақ етакчиси бўлиб қолмоқда. “Замин” янгиликларини “Telegram”да кузатиб боринг