Сунъий интеллект янги босқичда: OmniParser V2 ҳақида билишингиз керак бўлганлар

Сунъий интеллект ҳаётимизнинг ажралмас қисмига айланиб бормоқда. Microsoft корпорацияси ушбу йўналишда яна бир улкан қадам ташлаб, OmniParser V2 сунъий интеллект агентини тақдим этди.

Бу янги технология экрандаги маълумотларни автоматик таҳлил қилиш ва турли вазифаларни соддалаштириш имкониятини беради.

OmniParser V2 – бу нима?

• Microsoft томонидан ишлаб чиқилган бепул ва очиқ кодли сунъий интеллект агенти.
  
• Ҳар қандай экрандаги маълумотни таҳлил қилиб, тезкор ечим таклиф қилади.
  
• Муҳим вазифаларни автоматик бажаради, вақтни тежайди.
  

Авваллари бундай технологиялар илмий фантастикада тасвирланган бўлса, энди эса ҳаётимизга реал равишда татбиқ этилмоқда. Endilikda АИ ёрдамида қаҳва буюртма қилиш ёки мураккаб ҳисобот тайёрлаш мумкин!

Microsoft – "ёвуз корпорация"дан технологик етакчига

Бир пайтлар кўпчилик Microsoft'ни монополист ва "ёвуз корпорация" сифатида тилга оларди. Аммо бугунги кунда компания сунъий интеллект йўналишида етакчига айланиб, инновациялар орқали дунёга янги имкониятлар тақдим этмоқда.

Microsoft'нинг OmniParser V2'си нафақат оддий фойдаланувчилар учун, балки бизнес ва технология соҳалари учун ҳам катта имкониятлар эшигини очиши мумкин.

Сиз бу технология ҳақида нима деб ўйлайсиз? OmniParser V2 ҳаётингизни енгиллаштириши мумкинми? «Замин»ни Telegram’да ўқинг!