Skype 5-май куни тўлиқ ёпилади – Microsoft Teamsга ўтиш таклиф қилинмоқда

Microsoft 2025 йил 5-майдан бошлаб Skype хизматини тўхтатишини эълон қилди. Компания фойдаланувчиларни Microsoft Teams хизматидан фойдаланишга чақирмоқда, бу эса кўпроқ бизнес ва жамоавий ишларга йўналтирилган платформа ҳисобланади.

Microsoft Teams'га ўтишни хоҳлаган фойдаланувчилар Skype ҳисоб маълумотлари билан тизимга киришлари мумкин, шунда барча контактлар ва ёзишмалар автоматик равишда кўчирилади.

Teams'нинг бепул версияси қуйидаги чекловларга эга:
Максимал 100 фойдаланувчи билан гуруҳли қўнғироқлар
Суҳбат давомийлиги 60 дақиқагача
5 GB булутли хотира
Узоқроқ қўнғироқлар ёки қўшимча функциялар учун пуллик обуна талаб қилинади.

Нима учун Microsoft Skype'ни ёпмоқда?
Skype 2003 йилда ишга туширилган бўлиб, 2011 йилда Microsoft томонидан $8,5 миллиардга сотиб олинган. Бироқ, сўнгги йилларда Zoom, WhatsApp ва Discord каби хизматларнинг ўсиши Skype'ни ортда қолдирди. Microsoft Teams хизматига эътибор қаратишга қарор қилди, чунки у Office дастурлари билан интеграцияланган ва кўпроқ имкониятларга эга.

Фойдаланувчилар Skype маълумотларини 5-майгача экспорт қилиб олишлари мумкин. “Замин” янгиликларини “Telegram”да кузатиб боринг