Xiaomi янги HyperOS 2 янгиланиши билан бирга HyperAI сунъий интеллект тизимини тақдим этди. Ушбу янгиланиш Xiaomi қурилмаларини янада ақлли ва самарали қилади, фойдаланувчи тажрибасини яхшилайди ва ишлаш тезлигини оширади.
HyperAI’нинг асосий функцияларидан бири AI Interpreter, у реал вақт режимида нутқни турли тилларга таржима қилади, бу эса саёҳатчилар учун жуда қулай. Шунингдек, Circle to Search функцияси жорий этилган бўлиб, у экрандаги исталган матн ёки объектни танлаб, тезкор қидирувни амалга ошириш имконини беради.
Яна бир муҳим янгиликлар қаторига Real-Time Transcription & Machine Translation ва Speaker Recognition функциялари киради. Улар турли тилларда субтитрлар яратиш ва аудио ёзувлардаги овозларни аниқлаш имконини беради.
Бундан ташқари, HyperAI матнларни қисқартириш, хатолар ва ёзишмалардаги камчиликларни тузатиш, фотосуратларни таҳрирлаш ҳамда статик тасвирларни анимацияланган фон расмлари ёки қисқа видеоларга айлантириш каби имкониятларни ҳам тақдим этади.
HyperOS 2 ва HyperAI янгиланиши Xiaomi 15, Xiaomi Pad 7/Pro, Xiaomi 14, Xiaomi MIX FLIP, Redmi Note 14 Pro+ 5G ва Xiaomi Pad 6S Pro қурилмалари учун тақдим этилади. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
