Apple Watch соатларига қон босимини кузатиш функциясини жорий этишда Apple қийинчиликларга дуч келмоқда, деб Pepelac.news хабар берди. Бу ҳақда Bloomberg нашрининг журналисти Марк Гурман Power On ахборот бюллетенида маълум қилди.
Компания ушбу функция устида 2022 йил январидан бери иш олиб бормоқда, аммо ҳозиргача уни самарали равишда қурилмага жорий эта олмаган. Гурманнинг сўзларига кўра, функциянинг дастлабки версияси аниқ натижалар бермаган, шу сабаб Apple уни такомиллаштириш устида ишламоқда эди.
Аввал бу функция Apple Watch Series 10 моделларида пайдо бўлиши кутилганди, лекин бу амалга ошмади. Охирги маълумотларга кўра, функция фойдаланувчидаги босим ўзгаришларини кузатиб, гипертония белгилари аниқланганда огоҳлантириш юбориши керак эди. Бу хабар орқали фойдаланувчи шифокорга мурожаат қилиши мумкин бўлади.
2024 йил декабрида Гурман Apple бу функция устида фаол иш бошлаганини ва у 2025 йилда пайдо бўлиши мумкинлигини билдирганди. Аммо охирги маълумотларга қараганда, бу муддат ҳам энди реал кўринмаяпти.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
