Galaxy S25 One UI 8 ва Android 16да синовдан ўтди, деб Pepelac.news хабар берди. Samsung’нинг Galaxy S25 смартфони Geekbench маълумотлар базасида Android 16 операцион тизими ва One UI 8.0 график қобиғи билан қайд этилди. Бу One UI’нинг янги версияси аввалгисидан тезроқ ривожланаётганини кўрсатади.
Аввалроқ Android 16 прошивкаси Galaxy S25 Ultra модели учун Samsung серверларида пайдо бўлган эди. Энди эса Galaxy S25’нинг асосий модели ҳам Android 16 билан Geekbench’да тестдан ўтди. Бу One UI 8.0 янгиланишининг чиқиш суръати One UI 7га нисбатан тезроқ бўлиши мумкинлигини англатади.
2023 йили Galaxy S24 сериясида Android 15 илк бор май ойида, синов натижалари эса июль ойида аниқланган эди. Samsung One UI 7’нинг тайёрланиши кўп вақт талаб этганини маълум қилган. Сабаби — дастурий таъминотдаги катта ўзгаришлар эди. One UI 8 эса эҳтимолан кичикроқ янгиланиш бўлиб, камроқ ишлаб чиқиш вақтини талаб этади.
Шунингдек, One UI 8 тезроқ чиқишига яна бир омил — Google’нинг янги ишлаб чиқиш модели. Унга кўра, Android 16 июнь ойида чиқиши кутилмоқда. Илгари эса бу август ёки сентябрда амалга ошар эди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
