Ulefone Armor 30 Pro: Икки экранли ва катта аккумуляторли янги ҳимояланган смартфон

Ulefone компанияси янги ҳимояланган смартфони — Armor 30 Pro'ни тақдим этди. Бу қурилма юқори мустаҳкамлик ва замонавий технологияларни бирлаштиради. Смартфон 12 800 мА/соат сиғимли аккумулятор ва 66 ваттли тезкор зарядлашни қўллаб-қувватлайди. Шунингдек, икки экран ва тунги кўриш функцияси билан жиҳозланган.​

Armor 30 Pro IP68, IP69K ва MIL-STD-810H стандартларига мувофиқ ҳимоя даражасига эга бўлиб, экстремал шароитларда ишончлиликни таъминлайди. Асосий 6,95 дюймли экран 1080p резолюция ва 120 Гц янгиланиш частотасига эга. Ортдаги 3,4 дюймли қўшимча экран селфи, тўғридан-тўғри эфирлар ва таржимон режимида фойдаланиш учун мўлжалланган.​

Камера тизими 50 мегапикселли асосий сенсор, 50 мегапикселли ултракенг бурчакли объектив ва 64 мегапикселли тунги кўриш камерасидан иборат бўлиб, тўртта инфрақизил LED ёрдамида мутлақ қоронғуда суратга олиш имконини беради.​

Қурилма MediaTek Dimensity 7300X чипи билан жиҳозланган бўлиб, 16 ГБ оператив хотира ва 512 ГБ доимий хотирага эга. Шунингдек, 118 децибелгача овоз чиқара оладиган кучли динамик билан таъминланган.​

Смартфон AliExpress сайтида 380 доллар ёки тахминан 4 560 000 сўм нархда сотувга чиқарилган. “Замин” янгиликларини “Telegram”да кузатиб боринг