81
Google ўзининг энг кучли сунъий интеллект (ИИ) процессори — Ironwood’ни тақдим қилди, деб 3dnews.ru сайти хабар берди. Бу компаниянинг еттинчи авлод Tensor Processing Unit (TPU) чипи бўлиб, махсус ҳолда тайёрланган ИИ-моделларни инференс қилиш (тайёр моделни ишлатиш) учун мўлжалланган биринчи чипдир.
Ironwood чипи Google Cloud инфратузилмасида қўлланилади ва икки хил конфигурацияда — 256 та чипли серверлар ва 9216 та чипли кластерлар кўринишида тақдим этилади.
Google Cloud вице-президенти Амин Вахдатнинг таъкидлашича, Ironwood — бу Google’нинг энг юқори самарадор, юқори унумдор ва энергия тежамкор TPU-чипидир. У сунъий интеллект моделларининг инференс жараёнини тезлаштириш учун яратилган.
Чип 4614 Тфлопс (4,6 квадриллион операция/сонияда) юқори ҳисоблаш қобилиятига эга. 9216 та Ironwood чипи биргаликда 42,5 экзафлопсга тенг ҳисоблаш имкониятини беради.
Ҳар бир чип 192 ГБ оператив хотира ва 7,4 Тбит/с тезликда маълумот узатиш имкониятига эга. Шунингдек, чипда SparseCore деб номланган махсус модуль мавжуд бўлиб, тавсиявий тизимлар ва кенгайтирилган саралаш ишлари учун мослаштирилган.
Ironwood чипи Google Cloud’даги AI Hypercomputer инфратузилмасида фойдаланилади.
19:26, 5-04-2025
