Gigabyte биринчи пастпрофилли RTX 5060’ни намойиш қилди

Gigabyte компанияси Nvidia’нинг янги GeForce RTX 5060 видеокартасининг биринчи пастпрофилли версиясини тақдим этди, деб iXBT.com сайти хабар берди.

GeForce RTX 5060 OC Low Profile 8G деб номланган ушбу модел пастпрофилли дизайнга эга бўлиб, узунлиги бор-йўғи 182 мм ни ташкил қилади. Яъни, бу видеокарта ҳам паст, ҳам қисқа ўлчамли.

Шу кам таркибида учта вентилятор ва иссиқлик узатувчи трубка жойлашган. Ушбу адаптер иккита кенгайтма слотини эгаллайди ва тўртта тасвир чиқиш портига эга.

Қувват манбаси сифатида саккизконтактли разъём хизмат қилади, бу эса бу турдаги видеокарта учун етарли ҳисобланади. Ҳозирча бу Nvidia RTX 5060’нинг ягона пастпрофилли версияси бўлиб турибди.

Эслатиб ўтамиз, шу куни RTX 5060 Ti 16GB’нинг имкониятлари ва Radeon RX 9060 XT чиқиш санаси ҳақида маълумотлар пайдо бўлди. Ушбу янги AMD модел ҳам Nvidia’нинг икки турдаги видеокарталарига рақобатчи бўлиши кутилмоқда. «Замин»ни Telegram’да ўқинг!