Google Pixel 10 дисплейлари кўз учун қулайроқ бўлади

Google Pixel 10 смартфонлари сериясида дисплей технологиясида сезиларли ўзгаришлар кутилмоқда. Янгиланган дисплейлар кўз чарчоғини камайтириш мақсадида юқори ШИМ (широтно-импульс модуляцияси) частотасига эга бўлади. Бу технология экран ярқинлигини бошқаришда муҳим роль ўйнайди, аммо паст частота кўз чарчоғи ва бош оғриғига сабаб бўлиши мумкин.

Ҳозирги Pixel 8 Pro моделида ШИМ частотаси 240 Гц бўлиб, бу рақобатчиларга нисбатан паст ҳисобланади. Масалан, Honor 200 смартфонида бу кўрсаткич 4320 Гцга етади. Google янги моделларда бу муаммони ҳал қилиш учун аппарат ва дастурий ўзгаришлар устида иш олиб бормоқда.

Янги дисплейлар нафақат юқори ШИМ частотасига, балки юқори ярқинлик ва "намликни таниш" функциясига ҳам эга бўлиши кутилмоқда. Бу ўзгаришлар Pixel 10 смартфонларини кўзга сезгир фойдаланувчилар учун янада қулай қилади. «Замин»ни Telegram’да ўқинг!