Microsoft Xbox нархларини оширди

Microsoft корпорацияси 2025 йил 1 майдан бошлаб ўзининг Xbox консоллари ва уларга тегишли аксессуарлар нархларини оширди, деб uz.kursiv.media хабар берди.

Янги нархларга кўра, 512 ГБ ҳажмдаги Xbox Series S 26,6% га оширилиб, $380 (тахминан 4 560 000 сўм) бўлди. Кучлироқ модел бўлган Xbox Series X эса 20% га қимматлашиб, $600 (тахминан 7 200 000 сўм) га етди. Шунингдек, контроллерлар нархи $70 дан $80 (тахминан 960 000 сўм) га кўтарилди.

Microsoft бу қарорни бозор шароити ва ривожланиш харажатларининг ортиши билан изоҳлади.

Бундан аввал, Sony корпорацияси ҳам Европадаги PlayStation консоллари нархини 25% га оширган эди. Бу ўзгаришлар АҚШ президенти Дональд Трамп томонидан жорий этилган савдо божлари таъсирида амалга оширилди. «Замин»ни Telegram’да ўқинг!