АҚШнинг Apple корпорацияси эгилувчан дисплейга эга букланадиган смартфон учун патент олди. Бу ҳақда «Дарё» хабар бермоқда.
AppleInsider порталининг ахборотига кўра, патент ўзаро бирлаштирилган бир неча қисмлардан иборат ускунанинг ишлаб чиқилишини кўзда тутади. Шу тариқа, телефон ўртасидан эмас, балки бир неча марта букланиши мумкин бўлади.
Бундай смартфонни яратиш учун муҳандислар ўз ишланмаларида эгилувчан OLED-дисплей сингари муқаддам патентланган технологиялар, шунингдек, нитинол (никель ва титан қотишмаси) ва эластик полимерлар сингари компонентлардан фойдаланди.
Патент ҳужжатларида янги ускунанинг турли конфигурациялари кўрсатилган. Улар орасида, ташқи томондан одатий букланувчи телефонларга ўхшаш моделлардан ташқари, учта қисмдан иборат конфигурациялар ҳам мавжуд. Вариантлардан бири телефон эгасига уни кийимига мустаҳкамлаб қўйиш имконини берадиган мосламани назарда тутади.
Шу билан бирга, мутахассисларнинг таъкидлашича, патентнинг рўйхатга олиниши ҳали бундай ускуна яратиляпти деган эмас. Компания 2017 йилда эгилувчан дисплейга эга ускунани тақдим этиши ҳақидаги гап-сўзлар ихтисослашган матбуотда кўпдан бери тарқалмоқда, аммо буни тасдиқловчи далиллар ҳозирча йўқ, деб таъкидланади хабарда. Компания ҳозирча смартфонларни анъанавий шаклда ишлаб чиқишни маъқул кўрмоқда. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди