Xiaomi'нинг 90 Вт зарядкаси тақдим қилди

Xiaomi компанияси янги 90 Вт қувватга эга GaN технологиясига асосланган зарядловчи қурилмасини тақдим этди, деб 4pda хабар берди.

Ушбу зарядловчи қурилма 34 x 34 x 45 мм ўлчамга эга бўлиб, фақат битта Type-C портига эга. Унинг дизайни анъанавий куб шаклидан фарқ қилиб, юмалоқ қирраларга эга ва жуда компакт. Қурилмада ёпиладиган вилкалар мавжуд.

Ишлаб чиқарувчининг таъкидлашича, янги зарядловчи анъанавий (GaN бўлмаган) аналогларига нисбатан 48% кичик ва 33% енгил.

Зарядловчи 90 Вт тез зарядлашни қўллаб-қувватлайди ва QC, PD ва PPS каби оммабоп стандартларга мос келади. Комплектда 1,5 метрли USB-C кабели ҳам мавжуд.

Зарядловчи Xiaomi 15 Pro смартфонини 30 дақиқада 83% га, iPhone 16 Pro Max'ни 55% га ва vivo X100 Pro'ни 97% га зарядлайди.

Янги зарядловчи Хитойда 169 юань (тахминан $23 ёки 276,000 сўм) нархда сотилмоқда. Кабелсиз варианти 149 юань (тахминан $21 ёки 252,000 сўм). «Замин»ни Telegram’да ўқинг!