Adobe Android учун тўлиқ Photoshop дастурини чиқарди

Adobe Android қурилмалари учун тўлиқ функционалга эга Photoshop дастурининг бета-версиясини чиқарди, деб хабар берди Rozetked.me.

Янги илова сенсорли бошқарувга мослаштирилган бўлиб, қатламлар, ниқоблар, объектни танлаш ва тасвирни тузатиш каби асосий функцияларни ўз ичига олади.

Иловага Firefly генератив сунъий интеллекти ҳам интеграция қилинган. Унинг Generative Fill функцияси орқали кадрдаги объектларни тўлдириш ва ўзгартириш мумкин. Шунингдек, Spot Healing Brush, автоматик объект танлаш, экспозиция ва ранг ислоҳлари, қават режимлари ҳам мавжуд.

Интерфейс Photoshop Express услубида ишланган, лекин десктоп версиясидаги янги функциялар билан бойитилган.

Илова Android 11 ва ундан юқори версияларда ишлайди. Барча функциялар ҳозирча бепул ва обунасиз тақдим этилмоқда. Adobe уни қачон расман чиқаради ва тўловли қилади — бу ҳозирча номаълум. iOS учун версия кейинроқ чиқиши кутилмоқда. «Замин»ни Telegram’да ўқинг!