Дубайдаги инновация: сунъий интеллект менюси билан “келажак ресторани” очилади

Кўзга кўринган Бурж-Халифа пойтахти атрофида сентябрь ойида ресторан бизнесида мутлақ янги саҳифа очилади — WооҲоо номли умумий овқатланиш муассасаси сунъий интеллект ёрдамида яратилган меню ва хизматлар билан мижозларни ҳайратда қолдиришга тайёр, деб хабар берди reuters.com. Бу жамоат овқатланиш соҳасидаги биринчи қадам бўлиб, келажакда бу каби технологиялар оммавий тенденцияга айланиши кутилмоқда.

Лойиҳа муаллифларининг таъкидлашича, WооҲоо ресторани ўзини “келажак концепцияси” сифатида намоён этади. Инновацион ёндашув — таомлар шеф-ошпазлар томонидан тайёрланса-да, барча жараёнлар, хизмат кўрсатиш ва ҳатто муҳит сунъий интеллект асосида ишланадиган тил модели Chef Aiman орқали бошқарилади. Бу нейротармоқ минглаб рецептлар, гастрономик тадқиқотлар ва турли маҳсулотлар таркибини чуқур таҳлил қилиб, идеал меню ва таом уйғунлигини шакллантиради.

Сунъий интеллектнинг энг катта ютуғи — у ҳар бир маҳсулотнинг кислоталилиги, кимёвий таркиби ва оҳангдор лаззат уйғунлигини аниқ ҳисоблаб, таомларни ноодатий услубда бирлаштира олади. Албатта, AI тўғридан-тўғри мазасини баҳолай олмайди, аммо Chef Aiman томонидан яратилган таомлар аввал машҳур дубайлик шеф Рейф Отман раҳбарлигида инсон дегустаторлар томонидан текширилади ва такомиллаштирилади.

Бу лойиҳа нафақат инновацион ғоя, балки экологик ёндашувга ҳам эътибор қаратмоқда. Chef Aiman тез-тез ресторанларда қолиб кетаётган маҳсулотлардан ҳам фойдаланиш мумкин бўлган, исрофни камайтирувчи ва барқарорликка хизмат қиладиган рецептларни ҳам ишлаб чиқади.

Ташаббусчиларнинг таъкидлашича, AI инсонларни соҳа бўйича ишсиз қолдириш учун эмас, аксинча, ошпазларнинг креативлигини кенгайтириш ва уларга ёрдам бериш мақсадида жорий этилмоқда. Рестораннинг янги технологияга асосланган менюси меҳмонларга ноёб таомлар ва сервисни таклиф этиб, Дубайга гастрономик инновация ва илҳом бахш этиши кутилмоқда.

Вақт кўрсатади: WооҲоо келажак овқатланиш саноати учун намунага айланадими? Бир нарса аниқ — сунъий интеллект гастрономия оламида янги имкониятлар эшигини очмоқда. «Замин»ни Telegram’да ўқинг!