Meta сунъий интеллектда ёпиқликка ўтмоқда

Meta ўз сунъий интеллект соҳасидаги обрўсини очиқлик асосида қурган, бироқ бу ёндашув ўзгариши мумкин, деб TechCrunch хабар берди.

Компаниянинг AI соҳасидаги олдинги ютуқлари ва шуҳрати кўп жиҳатдан LLaMA каби моделларини оммага тақдим этиш ва тадқиқотчилар билан эркин баҳамлашиш орқали шаклланган. Бу стратегия Meta’ни бошқа йирик рақобатчилар — Google ва OpenAI’дан ажратиб турган.

Бироқ сўнгги маълумотларга кўра, Meta ўзининг кейинги авлод LLaMA 3 моделларини қандай ва қай тарзда оммага тақдим этиши борасида ички муҳокамалар олиб бормоқда. Компанияда айрим мутахассислар хавфсизлик, рақобат ва тижорий фойда нуқтаи назаридан моделларни тўлиқ очиқ қилмасликни таклиф қилмоқда.

AI жамоасида бу позиция очиқлик тарафдорлари ва эҳтиёткор ёндашувни қўлловчилар ўртасида ички баҳсларга сабаб бўлмоқда. Meta ҳозирча расман сиёсатини ўзгартирганини эълон қилмаган, аммо кузатувчилар бу тенденция компаниянинг очиқликка асосланган обрўсига таъсир қилиши мумкинлигини таъкидлашмоқда. «Замин»ни Telegram’да ўқинг!