Mastercard ўйин платформаларига контентни чеклаш ёки тўлов тизимларини ўзгартириш учун босим ўтказаётгани ҳақидаги даъволарни рад этди, деб TechCrunch.com хабар берди.
Компаниянинг расмий баёнотида айтиллишича, уларнинг сиёсатлари фақат қонунбузарликни олдини олиш ва тўлов хавфсизлигини таъминлашга қаратилган. Шу сабабли, Mastercard ўзини нейтрал тўлов провайдери сифатида кўрсатди.
Бироқ Valve компаниясига кўра, Mastercard томонидан айрим ўйинлар контентига, жумладан, катталар учун мўлжалланган материалларга нисбатан “мониторинг ва босим” бўлган. Бу Valve’нинг айрим тўлов функцияларини чеклашга мажбур қилган.
Valve вакиллари буни тўғридан-тўғри тижорат эркинлигига аралашув деб баҳолашмоқда.
Mastercard эса бу айбловларга жавобан, барча қарорлар платформаларнинг ўзи томонидан қабул қилиниши кераклигини таъкидламоқда.
Айни пайтда, геймерлар ва таҳлилчилар бу вазиятни интернетда қизғин муҳокама қилишмоқда.
«Замин»ни Telegram’да ўқинг!
