Apple сунъий интеллектга асосланган жавоб хизмати устида ишламоқда

Apple компанияси Google ёки OpenAI’га ўхшаш тарзда ўз сунъий интеллектга асосланган жавоб бериш тизимини ишлаб чиқиш устида ишлаётган бўлиши мумкин, деб TechCrunch.com хабар берди.

Манбаларга кўра, бу “AI жавоб механизми” iPhone ва Apple экотизимидаги бошқа хизматлар билан тўғридан-тўғри интеграция қилинган бўлади. У фойдаланувчи саволларига реал вақтда аниқ ва контекстли жавоб бериши мумкин.

Бу лойиҳа Apple Intelligence ташаббусининг навбатдаги босқичи бўлиши ва компаниянинг AI соҳасидаги мустақиллигини янада кучайтириши мумкин.

Apple ҳозирча бу ҳақда расмий изоҳ бермаган. Бироқ компаниянинг охирги ойларда AI соҳасига катта сармоя киритаётгани сир эмас.

Кўплаб таҳлилчилар бу тизим Google Search ва ChatGPT каби платформаларга рақобатчи бўлиши мумкинлигини таъкидлашмоқда.

Apple ўз жавоб тизимини Siri билан бирлаштириши ва iOS тизимида “тўлиқ шахсий ёрдамчи” мақомини беришни режалаштирмоқда.

Нодирбек Раззоков

«ЗАМИН.УЗ» муҳаррири