Google ўзининг AI Search функцияси веб-сайтлар трафигини камайтирмоқда, деган даъволарни рад этди, деб TechCrunch.com хабар берди.
Компаниянинг таъкидлашича, AI натижалар фойдаланувчиларга маълумотни тезроқ тақдим этади, бироқ бу веб-сайтларга йўлланишлар сонини кескин камайтирмаяпти.
AI Search функцияси саволларга тўғридан-тўғри жавоб беришни мақсад қилган бўлса-да, Google ҳали ҳам аниқ ва фойдали манбаларга ҳаволаларни беришни устувор вазифа деб ҳисоблайди.
Google раҳбарлари бу функция ҳали ҳам синов босқичида эканини ва натижалар асосида унинг таъсири доимий равишда таҳлил қилиниб борилаётганини билдиришган.
Кўплаб нашрлар ва контент яратувчилар AI натижалар сабаб трафиклари пасайганини айтмоқда. Аммо Google бу рақамлар умумий фонга қараганда яққол ўзгариш эмаслигини таъкидламоқда.
Компания, AI қидирув технологиясини инсон фойдаланувчилар ва веб эгалари учун бир вақтнинг ўзида манфаатли қилиш устида иш олиб боряпти.
«Замин»ни Telegram’да ўқинг!
