Доцент Хо Ен Чонг ва унинг жамоаси томонидан ишлаб чиқилган янги технология ўсимликлардан олинган табиий полимер лигнин ва карбонат ангидриддан фойдаланади. Бу эса жараённи экологик тоза ва энергия тежамкор қилишга имкон беради.
Анъанавий полиуретан ишлаб чиқаришда изоцианатлардан фойдаланилади, бу эса ўзига хос хавф ва заҳарли бўлиши мумкин. Янги усул эса, бу тизимни бутунлай ўзгартиради, чунки у заҳарли моддалардан фойдаланмасдан, материалнинг мустаҳкамлиги, иссиқликка чидамлилиги ва эластиклигини сақлаб қолишга имкон беради.
Шунингдек, янги биопластикларни қайта ишлаш ҳам осонроқ: у органик эритувчиларда эрийди, бу эса уни бошқа кўплаб "яшил" полимерларга нисбатан устун қилади. Бу эса янги материалларни саноатга яқин келгусида яратиш учун яхши имкониятлар очади.
Бундан ташқари, ишланманинг яна бир алоҳида аҳамияти шундаки, целлюлоза-қоғоз саноати чиқиндиларини қайта ишлаш ва улардан янги ресурслар олиш имконини яратади. Бу, ўз навбатида, атроф-муҳитни муҳофаза қилиш ва табиий ресурслардан фойдаланишни камайтиришга йўналтирилган муҳим қадамдир.
Ишланма натижасидаги синтез босқичларининг қисқариши ва энергия сарфи янгидан янги полиуретан материалларини арзон ва экологик жиҳатдан самарали қилади. Бу инновацион ёндашув саноатда оммавий ишлатиш учун кучли имкониятларни яратади.
«Замин»ни Telegram’да ўқинг!
