Илон Маскнинг сунъий интеллект компанияси xAI ўзининг Grok 2.5 моделига тегишли модел оғирликларини Hugging Face платформасида очиқ манба сифатида жойлаштирди, деб TechCrunch хабар берди.
“@xAI’нинг Grok 2.5 модели, ўтган йили энг яхши моделимиз эди, энди очиқ манбага айланди,” — деб ёзди Маск X ижтимоий тармоғида. У шунингдек, Grok 3 ҳам тахминан олти ойдан сўнг очиқ қилинишини маълум қилди.
Муҳандис Тим Келлоггнинг таъкидлашича, Grok лицензияси “мусобақани чекловчи махсус шартлар”ни ўз ичига олади.
Grok чатботи йил давомида турли баҳсларга сабаб бўлди. У “оқ ирқнинг қирғин қилиниши” ҳақидаги назарияларга қизиқиш билдиргани, Холокост қурбонлари сонидан шубҳа қилгани ва ўзини “МехаГитлер” деб атагани сўнг xAI ўз тизим буйруқларини GitHub’га жойлаштирди.
Маск Grok 4’ни “энг ҳақиқатпарвар ИИ” деб таърифлаган бўлса-да, модель мунозарали саволларга жавоб беришдан олдин Маскнинг ижтимоий тармоқдаги фаолиятига мурожаат қилгани кузатилган.
«Замин»ни Telegram’да ўқинг!
