Ҳозирги кунда смартфонсиз ҳаётни тасаввур қилиш қийин. Бироқ улардаги қисмлар вақт ўтиши билан ишдан чиқиши ёки нотўғри фойдаланиш натижасида қурилма қизиб кетиши мумкин. Бу нафақат гаджетга, балки хавфсизликка ҳам таъсир қилади.
Қуйида смартфоннинг қизиб кетишига олиб келадиган асосий сабаблар ва уларни бартараф этиш йўллари билан танишинг:
1. Юқори процессор юки: Бир вақтда кўп иловалар очилганда смартфон қизиб кетади.
Ечим: Фон иловаларини ёпинг, қурилмани 10–15 дақиқа дам олишга қолдиринг.
2. Ташқи омиллар: Қуёш нурлари, чўнтакда ёки қопда узоқ сақлаш ҳам исишга олиб келади.
Ечим: Телефонни тўғридан-тўғри қуёшда қолдирманг, ҳаво айланиши яхши жойда сақланг.
3. Батарея ва заряд муаммолари: Носоз ёки оригинал бўлмаган адаптердан фойдаланиш батареяни ёмонлаштиради.
Ечим: Фақат тўғри ва ишончли зарядловчи қурилмадан фойдаланинг, заряд пайтида оғир файлларни очманг.
4. Вирус ва зарарли дастурлар: Шубҳали иловалар смартфонни секинлаштириб, ортиқча иситиши мумкин.
Ечим: Антивирус билан текширинг, кераксиз иловаларни ўчиринг, тизимни мунтазам янгилаб туринг.
5. Дастурий таъминотдаги носозликлар: Эски ёки хато билан ишлайдиган тизим ҳам исиш сабаби бўлади.
Ечим: Қурилмани қайта ишга туширинг, янгиланган версияни ўрнатинг, зарурат бўлса, завод созламаларига қайтинг.
«Замин»ни Telegram’да ўқинг!
