Сўнгги пайтларда сунъий интеллект ҳақида гап кетганда, OpenAI ва ChatGPT биринчи бўлиб эсга тушади. Аммо Европадан чиққан Mistral AI номли компания жадал ривожланиб, катта рақобатчига айланмоқда. Бу ҳақда Techcrunch.com хабар берди.
Компания 2023 йилда ташкил этилган бўлиб, қисқа вақт ичида катта сармоя жалб қилди ва ўз моделлари билан дунёга танилди. Mistral’нинг асосий мақсади — очиқ кодли ва кенг омма учун етарлича шаффоф сунъий интеллект яратиш.
Шу йўл билан улар ишонч ва шаффофлик орқали кенг фойдаланувчиларни ўзига жалб қилмоқда. Айни пайтда компания ўзининг катта тил моделлари ва янги маҳсулотлари билан AI бозорида мустаҳкам ўрин эгаллашга ҳаракат қилмоқда.
Шубҳасиз, Европа бренди бўлган Mistral AI яқин йилларда сунъий интеллект соҳасида янги йўналишларни очиши мумкин. Сизча, очиқ кодли моделлар келажакда ёпиқ тизимлардан устун келадими?
«Замин»ни Telegram’да ўқинг!
