Apple ўзининг флагман смартфонлари — iPhone 17 Pro ва iPhone 17 Pro Max’ни сентябр ойидаги тадбирда тақдим этди. Бу ҳақда Rozetked хабар берди. Янги моделлар нафақат ички жиҳатдан, балки ташқи кўриниши билан ҳам аввалги авлодлардан кескин фарқ қилади.
Энг кўзга кўринган ўзгариш — орқа камералар майдончаси энди корпуснинг деярли бутун энини эгаллайди. Камера сенсорлари жойлашуви сақланган, аммо LiDAR ва ёруғлик чироғи бошқа тарафга кўчирилган.
Apple бу сафар титан эмас, алюминий корпусга қайтди — бу материал 20 баробар яхшироқ иссиқлик тарқатади. Қайта ишланган корпус конструкцияси туфайли симсиз заряд учун махсус шиша қути ҳам жойлаштирилган.
Фронтда эса Ceramic Shield 2 шишаси ўрнатилган — у уч баробар чидамли. Бундан ташқари, экранда антибликовое покрытие бор.
Процессор — A19 Pro: 6 та CPU ядро (2 та юқори унумдорликда), 6 та GPU ядро ва янги Dynamic Caching 2 технологияси. Apple маълум қилишича, видео ва узоқ жараёнларда 40% тезроқ ишлайди.
Ускуналарда илк марта испаритель камерали совитиш тизими қўлланилди — бу Pro моделлар учун жиддий ўзгариш. Алюминий эса бу тизимни самарали қўллаб-қувватлайди.
Камералар — уччаласи ҳам 48 МП, шулардан телеобъектив энди 8 карра оптик зум қилади (аввал 5x эди), ҳамда 4x режими ҳам бор. 3D стабилизация системаси ҳам янгиланган. Фронтал камера ҳам энди 18 МП, Center Stage функцияси билан.
Видео энтузиастлар учун эса ProRes RAW форматда ёзиб олиш мумкин — бу Final Cut ва Blackmagic иловаларида қўллаб-қувватланади.
Автономлик бўйича iPhone 17 Pro Max 39 соат, Pro эса 33 соат видео кўриш имконини беради. 0–50% заряд 20 дақиқада тўлади.
Нархлар:
- iPhone 17 Pro — 1099 доллар
- iPhone 17 Pro Max — 1199 доллар
Сотувлар 19 сентябрдан, корпус ранглари — Silver, Deep Blue, Cosmic Orange. Шунингдек, янги TechWoven қопламали чехоллар ва Crossbody ремешок ҳам сотувда.
Apple ниҳоят Pro моделларда янги босқични бошлади. Сизга қайси модел қизиқарли туюлди?
«Замин»ни Telegram’да ўқинг!
