OpenAI Codex’ни GPT-5 асосида янгилади

OpenAI ўзининг код ёзувчи Codex моделини GPT-5 асосида янгилади, деб TechCrunch хабар берди. Бу янгиланиш Codex’га дастурлаш тилини тушуниш ва мураккаб код вазифаларини бажаришда янги даражага чиқиш имконини беради.

Янги версия нафақат Python ва jаvascript каби машҳур тиллар, балки C++, Rust, Go ва TypeScript каби мураккаб платформаларда ҳам юқори аниқликда код ёзиш қобилиятини намоён қилмоқда. OpenAI маълумотларига кўра, Codex энди мураккаб алгоритмларни ҳам мустақил равишда чуқур таҳлил қилиб, тўлиқ фойдаланишга тайёр ечимлар таклиф қилмоқда.

Мутахассислар бундан кейин Codex’дан фойдаланиш жараёни янада самарали бўлишини, айниқса стартаплар ва дастурчилар учун вақт ва ресурс тежамкор ечим сифатида хизмат қилишини таъкидламоқда.

Нодирбек Раззоков

«ЗАМИН.УЗ» муҳаррири