YouTube Шортс учун янги сунъий интеллект воситалари тақдим этилди

YouTube компанияси Shorts яратувчилари учун генератив сунъий интеллект технологияларига асосланган янги воситаларни тақдим этди, деб TechCrunch хабар берди.

Янги функциялар орасида «Dream Screen» деб номланган восита бор бўлиб, у фойдаланувчиларга матн ёрдамида видеофонлар яратиш имконини беради. Масалан, “ойда учаётган панда” ёки “акулалар юраётган шиша йўлак” каби сўровларга асосан фон ҳосил қилинади.

YouTube шунингдек, контент яратувчилар учун тавсиялар бериш, монтажни автоматлаштириш ва ИИ орқали илҳомлантирувчи ғоялар таклиф этиш хизматларини ҳам жорий этмоқчи. Барча янгиликлар 2024 йил охиригача босқичма-босқич ишга туширилади.

Нодирбек Раззоков

«ЗАМИН.УЗ» муҳаррири