Оқ уй TikTok бўйича эҳтимолий келишув ҳақида батафсил маълумот берди

TechCrunch’нинг ёзишича, АҚШ президенти маъмурияти TikTok бўйича эҳтимолий келишув ҳақида янада аниқроқ маълумот берди. Бу келишув орқали TikTok Америкада фаолият юритишда давом этиши мумкин, аммо бир қатор шартларга амал қилиши керак бўлади.

Маълумотларга кўра, асосий талаблардан бири — TikTok’нинг Америкадаги фойдаланувчилар маълумотларини маҳаллий серверларда сақлаш ва унинг фаолияти устидан мустақил кузатув жорий этишдан иборат. Шу билан бирга, компаниядаги Хитой таъсири ҳам чекланиши лозим.

Оқ уй ва ByteDance ўртасидаги музокаралар ҳозирча якунига етмаган. TikTok тақдири АҚШ миллий хавфсизлиги нуқтаи назаридан жиддий баҳоланмоқда. Агар келишув амалга ошса, TikTok ўз фаолиятини сақлаб қолиши мумкин.

Нодирбек Раззоков

«ЗАМИН.УЗ» муҳаррири