Microsoft 2018 йилдан бери илк бор Office’нинг 10 асосий дастури учун иконкаларни янгилади, деб Rozetked хабар берди. Бу янгиланиш Microsoft 365 учун ягона визуал тизим яратиш устидаги ишларнинг бир қисми сифатида амалга оширилди.
Янги иконкаларда ёрқин градиентлар, юмалоқ шакллар ва юмшоқ чизиқлар қўлланилган. Microsoft 365 дизайн ва тадқиқотлар бўйича вице-президенти Жон Фридманнинг таъкидлашича, мақсад — иконкаларни янада содда, тушунарли ва фойдаланувчига қулай қилиш.
Янгиланиш Copilot иконкаси услубидан илҳомланган. Масалан, Word иконкасида олдинги тўртта чизиқ ўрнига учтасигина қолдирилган — бу экранда яхшироқ кўриниш учун қилинган. Янги иконкалар яқин ҳафталарда веб, ПК ва мобил қурилмаларда пайдо бўлади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
