Samsung Хитой бозори учун алоҳида флагманларини тақдим этиш анъанасини давом эттирди — W сериясининг навбатдаги вакили W26 намойиш этилди. Бу модел, асoсан, Galaxy Z Fold 7’нинг маҳаллий, премиум-кейсга солинган варианти сифатида позицияланади.
Техник жиҳатдан катта фарқ йўқ: гаджетда ташқи 6,5 дюймли ва ички 8 дюймли дисплейлар сақланган, Galaxy учун Snapdragon 8 Elite платформаси қўлланган. Батарея ҳам таниш — 4400 мА/соат, оғирлик кўрсаткичлари эса деярли ўзгармаган.
Энг кўзга кўринадиган янгилик — дизайн. W26 олтин рангли рамка ва камера блоки атрофидаги шундай ҳошиялар билан безатилди. Бу деталлар қурилмани визуал жиҳатдан янада ҳашаматли ва эксклюзив қилиб кўрсатади.
Қисқача айтганда, W26 — функционал жиҳатдан Z Fold 7, аммо Хитой аудиторияси учун “люкс” таомилида ишланган қиёфа ва WDNA руҳига эга ихчам премиум версия.
