10:00 / 19.01.2017
6 202

ОАВ: Испанияда ФҚБ сўрови билан россиялик дастурчи ҳибсга олинди

ОАВ: Испанияда ФҚБ сўрови билан россиялик дастурчи ҳибсга олинди

Испания ҳуқуқ-тартибот идоралари Интерпол ва АҚШ Федерал қидирув бюроси сўрови билан россиялик дастурчи Станислав Лисовни ҳибсга олишди. Бу ҳақда RT телеканалига асосланиб Кун.уз хабар қилди.

Унинг сўзларига кўра, Лисов Таганрогда дастурчи бўлиб ишлайди, у сайтларни қўллаб-қувватлаш ва барпо қилиш билан шуғулланади. Эр-хотин Испанияга дам олиш учун келган бўлган.

«Биз ижарага олинган машинани топшириб, Лионга учиш учун Барселона аэропортига келганимизда, бизни тўхтатишди. Автомобилдан чиққанимизда, икки нафар полициячи келиб, эримни ҳибсга олишларини айтишди ҳамда телефон, планшет ва ноутбукни текшира бошлашди», — деган Дарья Лисова.

Испания полицияси Лисовни ФҚБ ва Интерпол сўрови билан қўлга олганини маълум қилган.

Лисовга ҳеч қандай айблов эълон қилинмаган. Айни вақтда, россиялик дастурчи Каталониянинг Brians қамоқхонасида сақланмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » ОАВ: Испанияда ФҚБ сўрови билан россиялик дастурчи ҳибсга олинди