Chrome веб-браузери матнни овозли ўқиш функциясини ишга туширди
Google Chrome веб-браузери матнни овозли ўқиш функциясини жорий қилди. Фойдаланувчилар веб-саҳифалардаги матнларни овозли эшитишлари ва сўзлар экранда белгиланишини таъминлайди. Шунингдек, браузерда экранни бўлиб, бир вақтнинг ўзида икки саҳифани кўриш имконияти ҳам яратилди.
Google Chrome веб-браузери веб-саҳифалардаги матнни овозли ўқиб бериш имкониятини жорий қилди. Ушбу функция орқали фойдаланувчилар мақола, хабар ёки PDF файлларни овозли эшитиши мумкин, матндаги сўзлар эса экранда алоҳида белгиланиб боради.
Функциядан фойдаланиш учун саҳифада сичқонча билан ўнг тугмани босиб, “Ўқиш режимида очиш” бандини танлаш кифоя. Шундан сўнг овозни бошлаш, унинг тембри ва ўқиш тезлигини ўзгартириш мумкин бўлади.
Chrome шунингдек экранни бўлиб, бир вкладкада икки саҳифани бир вақтнинг ўзида кўриш имконини ҳам қўшди. Бу қулайлик видеоларни томоша қилиш, таққослаш, ёзувлар ёзиш ёки иш жараёнида бир нечта материални параллел ўрганишда катта енгиллик яратади.
Изоҳлар 0
…