Пароллардаги энг машҳур сўз энди маълум

"Касперский лабораторияси" йирик маълумотлар сизиб чиқишининг кенг кўламли таҳлилини ўтказди ва паролларда қайси сўз кўпроқ ишлатилишини аниқлади, деб ёзади РТ. Қизиғи шундаки, бу тенденция жуда романтик бўлиб қолди.

Паролларни яратишда фойдаланувчиларнинг энг оммабоп танлови - love. Шунингдек, тадқиқот шуни кўрсатдики, ҳар ўнинчи фойдаланувчи ўз кодини 1990 йилдан 2025 йилгача бўлган саналар билан боғлайди. Бу фонда 12345 комбинацияси алоҳида ажралиб туради. Бундай оддий вариантларни, албатта, эслаб қолиш осон, аммо уларни бузиш ҳам жиноятчилар учун қийинчилик туғдирмайди.

Яна бир қизиқ қонуният - киши исмлари ва мамлакат номларидан фаол фойдаланиш. Фойдаланувчилар киберхавфсизликнинг асосий тамойилларини унутиб, паролларга ўзлари учун муҳим нарсаларни киритишга ҳаракат қилаётгандек туюлади. Нега одамлар бундай ишончсиз паролларни танлашда давом этмоқда? Психологлар буни соддалик ва ҳиссий боғлиқликка интилиш билан изоҳлашади. Шахсий маънога эга бўлган нарсаларни эслаб қолиш осонроқ.