Xiaomi 65 дюймли ромсиз телевизорни сотувга чиқаради

  • 19 март 2017, 17:05
  • 5 015
  • Технология
  • Xiaomi 65 дюймли ромсиз телевизорни сотувга чиқаради

    21 март куни, Xiaomi ромсиз дизайнга эга янги туркумдаги телевизор моделларини намойиш қилади, деб ёзади Terabayt сайти. Улардаги рамкасиз дизайн теле-маҳсулотнинг бош янгилиги бўлиб, тасвир телевизор экрани бўйлаб тўлиқ гавдаланади. Бу дизайн дисплейларнинг ташқи қиёфасига янада жозибадорлик бағишлаган.

    Экран диагонали 65 дюймли моделларнинг пикселлар сиғими «4К» бўлиши кутилмоқда. Телевизор корпуси қалинлиги бор-йўғи 4,5 мм. Телевизорнинг аппарат таъминоти ва овозли тизими алоҳида блокда жойлаштирилган.

    Янги телевизорларни iOS ҳамда Android операцион тизимидаги смартфон, планшетлар билан бошқариш мумкинлиги гаджет фойдаланувчилари учун кутилмаган хушхабар бўлди. Компания 65 дюймли бу телевизорларнинг энг қимматини 2900 АҚШ долларидан сотувга чиқаради. Бу Хитой телевизор ишлаб чиқарувчиларининг шу турдаги маҳсулотлари орасида «энг арзони» дегани.

    Ҳозирча телевизорларнинг техник жиҳатларига оид бошқа маълумотлар ошкор қилинмаган. Барчасига телевизорлар Хитойда сотувга чиқариладиган 31 март куни ойдинлик киритилади.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Xiaomi 65 дюймли ромсиз телевизорни сотувга чиқаради