OpenAI янги GPT-5.4 моделини тақдим этди. Бу модель бир миллион токенгача контекстни қўллаб-қувватлайди ва операцион тизим интерфейсларида инсондан устунроқ навигация қила олади. Бу ҳақда rozetked.me хабар беради.
GPT-5.4, шунингдек, GPT-5.4 Pro ва GPT-5.4 Thinking версияларини ўз ичига олади. Ушбу модель мантиқий фикрлаш, дастурлаш ва мустақил агент жараёнларини бирлаштиради. OpenAI'нинг янги моделида компютерни табиий равишда бошқариш функцияси мавжуд бўлиб, бу соҳада 75% муваффақият кўрсатди.
Ушбу модель аввалоги GPT-5.2 версиясидан (47,3%) ва инсоннинг ўртача натижасидан (72,4%) анча юқори натижаларни кўрсатди. Дастурлаш бўйича SWE-Bench Pro benchmarkида эса GPT-5.4, GPT-5.3-Codex моделидан устун келади ва камроқ кечикиш билан ишлайди.
Янги модель реал иш вазифаларини бажаришда 83% ҳолларда мутахассислар даражасида ёки ундан юқори натижаларни кўрсатмоқда. Шунингдек, GPT-5.4 10,24 мегапикселгача бўлган оригинал тасвирларни қайта ишлашни қўллаб-қувватлайди.
OpenAI янги моделларнинг тарқатилишини ChatGPT илова ва веб-версисида бошлади, шунингдек, API ва Codex орқали ҳам фойдаланиш мумкин.
“Zamin”ни Telegram'да ўқинг!
