Apple macOS Tahoe 26.3.1 янгиланишини тақдим этди

Apple компанияси ўзининг операцион тизими учун навбатдаги кичик янгиланиш — macOS Tahoe 26.3.1 версиясини фойдаланувчиларга тақдим этди. Мазкур янгиланиш ўтган ойда чиқарилган 26.3 версиясидан уч ҳафта ўтиб эълон қилинди ва тизим барқарорлигини оширишга қаратилган. Бу ҳақда macrumors.com хабар беради.

Ушбу янгиланишнинг асосий ўзгариши сифатида янги Studio Display ҳамда Studio Display XDR мониторлари учун тўлиқ қўллаб-қувватлаш функцияси қўшилганини айтиш мумкин. Шунингдек, компания ушбу мониторлар учун махсус прошивка янгиланишини ҳам чиқарди. Янги мониторлар 11-март, чоршанба кунидан сотувга чиқарилиши режалаштирилган.

Mac фойдаланувчилари янгиланишни ўрнатиш учун тизим созламаларига (System Settings) кириб, "Дастурий таъминотни янгилаш" (Software Update) бўлими орқали юклаб олишлари мумкин. Apple мутахассислари барча фойдаланувчиларга тизимни ўз вақтида янгилаб боришни тавсия қилади.

Nodirbek Razzokov

«ZAMIN.UZ» муҳаррири