АҚШ ҳукумати ва Хитойнинг БйтеДанcе компанияси ўртасидаги келишувлардан сўнг, Аппле ўзининг Апп Сторе дўконида янги техник чекловларни жорий этди. Эндиликда АҚШ ҳудудида бўлган фойдаланувчилар БйтеДанcе компаниясига тегишли бўлган иловаларни юклаб олиш ёки янгилаш имкониятидан маҳрум бўлишди. Ушбу ўзгаришлар асосан ТикТок ижтимоий тармоғига қаратилган бўлса-да, компаниянинг бошқа сервисларига ҳам таъсир кўрсатмоқда. Бу ҳақда habr.com хабар беради.
АҚШ Конгресси томонидан қабул қилинган қонунга кўра, назорат пакети БйтеДанcе компаниясига тегишли бўлган иловаларни тарқатиш тақиқланган. Шу сабабли, иПҳоне фойдаланувчилари иловаларни юклашга уринганда, уларнинг ҳудудида ушбу дастур мавжуд эмаслиги ҳақида хабар олмоқда. Мутахассисларнинг фикрича, Аппле фойдаланувчиларнинг жойлашувини аниқлаш учун GPS, Wи-Фи роутер кодлари ва СИМ-карта маълумотларидан фойдаланувчи мураккаб тизимларни ишга туширган.
АҚШ расмийлари БйтеДанcе компаниясини Хитой ҳукумати билан алоқадорликда ва миллий хавфсизликка таҳдид солишда айблаб келади. Ушбу чекловлар нафақат ТикТок, балки AIга асосланган Доубао чат-боти ва Фанқие Новел каби платформаларга ҳам дахлдор. Гарчи Андроид фойдаланувчилари иловаларни бошқа манбалардан ўрнатиш имконига эга бўлса-да, Гоогле ҳам ўзининг Плай Сторе дўконида ушбу дастурларни чеклаб қўйди.
Аппле компанияси мазкур ҳолат юзасидан расмий изоҳ бермади. Бироқ, компаниянинг сўнгги ҳаракатлари Апп Сторе дўконининг минтақавий версияларини техник жиҳатдан янада қатъийроқ ажратишга қаратилганини кўрсатмоқда. Бу жараён АҚШда ТикТок эгалигининг ўзгариши ва маҳаллий инвесторлар, жумладан Ораcле ва Силвер Лаке консорциуми иштирокидаги битимдан кейин янада жадаллашди.
“Zamin”ни Telegram'да ўқинг!
