Франциянинг ҳашаматли Hermes бренди Apple фойдаланувчилари учун мўлжалланган, бузоқ терисидан ишланган кичик Grand Paddock сумкасини 5 150 доллар нархда чиқарди. Модель ўрнатилган, Аппле'нинг MagSafe аксессуарларидан илҳомланган қувватлаш тизими билан ажралиб туради ва премиум қўл сумкасини технологияга йўналтирилган саёҳат ғилофига айлантиради. Бу ҳақда Rozetked.me хабар беради.
Сумка ичида харидорлар қувват адаптери учун жой, кабель ушлагичи, Apple Watch тасмалари учун чўнтак ва Paddock Duo қувватлаш аксессуари учун бўлимга эга бўлади. Paddock Duo Аппле'нинг MagSafe Дуо'сига ҳашаматли муқобил сифатида таклиф қилинади ва сумканинг ушбу талқини билан бирга берилади.
Hermes Paddock Дуо'ни алоҳида ҳам 1 750 долларга сотмоқда. Бироз арзонроқ вариант излаётган мижозлар учун компания Grand Паддоcк'нинг яна бир талқинини 4 650 долларга таклиф қилмоқда, у бунданда содда Paddock Solo билан бирга келади.
Юқори нархларга қарамай, пакетларнинг ҳеч бирига қувватлаш блоки ҳам, кабель ҳам киритилмаган. Бу эса мижозлар Ҳермес'нинг технологиядан илҳомланган энг сўнгги аксессуари учун минглаб доллар тўлаганидан кейин ҳам бу буюмларни алоҳида сотиб олиши кераклигини англатади.
“Zamin”ни Telegram'да ўқинг!
