OpenAI ва Anthropic маркетинг соҳасидаги топ-менежерларни жалб қилмоқда
Сунъий интеллект соҳасидаги етакчи стартаплар — OpenAI ва Anthropic компаниялари ўз ишланмаларини йирик бизнес вакилларига самарали сотиш мақсадида Salesforce ва Snowflake каби гигантлардан топ-менежерларни жалб қилмоқда. Эндиликда соҳада нафақат дастурчилар, балки корпоратив мижозлар билан ишлаш тажрибасига эга бўлган маркетинг мутахассислари учун ҳам фаол кураш кетмоқда. Хусусан, OpenAI компанияси йил якунига қадар корпоратив сектордан тушадиган даромад улушини 50 фоиздан оширишни ва бизнес фойдаланувчилари базасини янада кенгайтиришни мақсад қилган.
Сунъий интеллект соҳасидаги етакчи стартаплар бўлган "OpenAI" ва "Anthropic" компаниялари ўз ишланмаларини самаралироқ сотиш мақсадида маркетинг мутахассисларини фаол жалб қила бошлади. Соҳада дастурчилар учун кураш доимий бўлсада, эндиликда асосий эътибор корпоратив мижозлар билан ишловчи менежерларга қаратилмоқда. Бу ҳақда 3dnews.ru хабар беради.
Маълумотларга кўра, ҳар икки компания сўнгги вақтларда "Салесфорcе", "Сноwфлаке" ва "Даталог" каби йирик ташкилотларнинг раҳбарларини ўз томонига оғдириб олган. Масалан, "Салесфорcе" таркибидаги "Slack" платформасини бошқарган Дениз Дрессер "OpenAI" компаниясига даромадлар бўйича директор этиб тайинланди.
Маркетинг тузилмалари раҳбарлари сунъий интеллект стартаплари учун корпоратив муҳитдаги алоқалари туфайли жуда муҳим ҳисобланади. Бу алоқалар дастурий таъминот ва хизматларни йирик бизнес вакилларига муваффақиятли сотишда ёрдам беради.
"Anthropic" бошиданоқ бизнес бозорига йўналтирилган бўлса, "OpenAI" бу соҳага яқинда жиддий эътибор қаратди.
Жорий йилнинг январь ҳолатига кўра, "OpenAI" умумий даромадининг 40 фоизини корпоратив сектордан олган. Йил якунига қадар бу кўрсаткич 50 фоиздан ошиши кутилмоқда.
Ноябрь ойидаги ҳисоботларга кўра, компаниянинг бутун дунё бўйлаб 1 миллиондан ортиқ бизнес фойдаланувчилари мавжуд.
Изоҳлар 0
…