Redmi K90 Max сотувлар бошлангач 4 соатда рекорд ўрнатди
"Xiaomi" компаниясининг янги "Redmi K90 Max" смартфони сотувга чиққанидан сўнг илк 4 соат ичида 3–4 минг юанлик нарх сегментида йиллик рекордни янгилади. Қурилманинг бошланғич нархи 515 доллар бўлса-да, турли субсидиялар ҳисобига уни 470 долларгача арзонроқ харид қилиш имконияти мавжуд. Ушбу модел компания тарихида ички совутиш вентиляторига эга бўлган илк смартфон бўлиб, "Dimensity 9500" процессори ва 8 550 мА/соат сиғимли кучли аккумулятор билан жиҳозланган. Шунингдек, янги қурилма 100 ваттли тезкор қувватлаш тизими ва IP69 даражасидаги юқори ҳимоя стандартига эга.
"Xiaomi" компанияси кеча тақдим этилган "Redmi K90 Max" смартфонининг илк сотув натижаларини эълон қилди. Қурилма савдолар бошланганидан сўнг атиги 4 соат ичида барча онлайн платформаларда 3–4 минг юанлик нарх сегментида йиллик рекордни янгилаб, мутлақ етакчига айланди. Бу ҳақда Ixbt.com xabar беради.
Янги моделнинг бошланғич нархи 3 499 юань (тахминан 515 доллар) этиб белгиланган. Бироқ илк сотувлар даврида барча версиялар учун 300 юань миқдорида субсидия амал қилмоқда, бу эса нархни 470 долларгача туширади.
Хитойнинг айрим ҳудудларида қўшимча миллий субсидиялар ҳам мавжуд.
"Redmi K90 Max" компания тарихидаги ички совутиш вентиляторига эга бўлган биринчи смартфон бўлди. Қурилма "Dimensity 9500" процессори асосида ишлайди ва 100 ваттли тезкор қувватлашни қўллаб-қувватловчи 8 550 mA/соат сиғимли аккумулятор билан жиҳозланган.
Шунингдек, у IP69 стандарти бўйича ҳимояланган.
Изоҳлар 0
…