Россиянинг Иртиш процессори The Wитчер 3 ўйинида 30 FPS тезликни қайд этди
Москвадаги кўргазмада Россиянинг 32 ядроли «Иртиш C632» процессори имкониятлари «The Witcher 3» ўйини мисолида намойиш этилди. Хитойнинг LoongArch архитектурасига асосланган ушбу қурилма махсус трансляция технологияси ёрдамида ўйинда ўртача 30 FPS тезликни қайд этди. Мутахассислар кадрлар частотасининг пастлигини видеокарта билан эмас, балки кодларни таржима қилиш жараёнидаги техник чекловлар билан изоҳлашмоқда. Мазкур процессорлар кенг оммага сотилмайди ва фақат корпоратив ҳамда тижорат сегменти учун мўлжалланган.
Москвада ўтган ExpoElectronica 2026 кўргазмасида Россиянинг 32 ядроли "Иртиш C632" процессори имкониятлари намойиш этилди. Хитойнинг LoongArch архитектурасига асосланган ушбу қурилма ёрдамида машҳур "The Wитчер 3" ўйини ишга туширилди. Бу ҳақда Ixbt.com xabar беради.
Тизим AMD Radeon RX 9060 XT видеокартаси билан биргаликда Linux операцион тизими бошқарувида ишлади. Ўйин Стеам платформаси ва бинар транслатсия технологияси орқали юргизилди, чунки процессор x86 стандартига эга эмас.
Синов давомида ўйин Ultra созламаларда 22–32 FPS, паст созламаларда эса 25–38 FPS тезликни кўрсатди. Мутахассисларнинг фикрича, кадрлар частотасининг пастлиги видеокарта билан эмас, балки кодларни таржима қилишдаги чекловлар билан боғлиқ.
"Иртиш" линияси таркибига 64 ядроли C664 модели ҳам киради. Ушбу процессорлар оддий фойдаланувчилар учун эмас, балки тижорат ва корпоратив сегмент учун мўлжалланган бўлиб, чакана савдога чиқарилиши кутилмаяпти.
[медиа=https://cdn.embedly.com/widgets/media.html?src=https%3A%2F%2Fwww.youtube.com%2Fembed%2Fpzj4rb0xq0Y%3Ffeature%3Doembed&display_name=YouTube&url=https%3A%2F%2Fwww.youtube.com%2Fwatch%3Fv%3Dpzj4rb0xq0Y&image=https%3A%2F%2Fi.ytimg.com%2Fvi%2Fpzj4rb0xq0Y%2Fhqdefault.jpg&type=text%2Fhtml&schema=youtube]
Изоҳлар 0
…