Ubuntu операцион тизимига сунъий интеллект функциялари қўшилади
Ubuntu операцион тизими яқинда сунъий интеллект функциялари билан бойитилади. Cанониcал компанияси келгуси йилда янги технологияларни жорий этишни режалаштирмоқда, бу эса фойдаланувчилар учун махсус «AI-нативе» иш жараёнлари ва воситалари яратишни ўз ичига олади. Янги функциялар нутқни матнга айлантириш ва шахсий автоматлаштириш каби қулайликларни таклиф этади. Бу ўзгаришлар Linux экотизимига янги фойдаланувчиларни жалб қилишга ёрдам беради.
Дунёнинг энг машҳур Linux дистрибутивларидан бири бўлган Ubuntu яқин вақт ичида сунъий интеллект имкониятлари билан бойитилади. Cанониcал компанияси муҳандислик бўйича вице-президенти Жон Цигер келгуси йил давомида операцион тизимга янги технологияларни жорий этиш режасини эълон қилди. Бу ҳақда Theverge.com хабар беради.
Янги функциялар икки йўналишда ривожлантирилади. Биринчидан, сунъий интеллект моделлари тизимнинг мавжуд имкониятларини фонда яхшилайди.
Иккинчидан, фойдаланувчилар учун махсус «AI-нативе» иш жараёнлари ва воситалари яратилади. Бу ўзгаришлар нутқни матнга айлантириш ва шахсий автоматлаштириш каби қулайликларни ўз ичига олади.
Сигернинг таъкидлашича, Cанониcал моделларнинг шаффофлигига ва маълумотларни маҳаллий қурилманинг ўзида қайта ишлашга устувор аҳамият беради. Шунингдек, компания ўз муҳандисларини иш жараёнида сунъий интеллектдан кўпроқ фойдаланишга ундамоқда, бироқ ходимларнинг самарадорлиги фақат якуний натижага қараб баҳоланади.
Янги технологиялар Linux экотизимига янги фойдаланувчиларни жалб қилишга ҳам ёрдам бериши кутилмоқда. Сунъий интеллект ёрдамида замонавий Linux ишчи станцияларининг мураккаб жиҳатларини соддалаштириш ва тизим имкониятларини кенгроқ аудиторияга тушунарли қилиш режалаштирилган.
Изоҳлар 0
…