Маск Марсга бир миллион одам юборса, 200 миллион акция олади
SpaceX директорлар кенгаши Илон Маск учун янги рағбатлантириш режасини тасдиқлади. Унга кўра, Маск Марсни мустамлака қилиш ва коинотда маълумотларни қайта ишлаш марказларини қуриш орқали 200 миллион акция олади. Бундан ташқари, SpaceX бозор қиймати 7,5 триллион долларга етиши ва Марсда камида бир миллион одам учун доимий манзилгоҳ барпо этилиши керак. Маскнинг мақсади, сайёралараро миграцияни иқтисодий жиҳатдан самарали қилиш учун юкни Марсга етказиб бериш нархини 100 000 доллардан пастга туширишдир.
SpaceX директорлар кенгаши Илон Маск учун янги рағбатлантириш режасини тасдиқлади. Мазкур келишувга кўра, миллиардернинг даромади бевосита Марсни мустамлака қилиш ва коинотда маълумотларни қайта ишлаш марказларини қуриш билан боғлиқ бўлади. Бу ҳақда Ixbt.com хабар беради.
Бу ҳақда АҚШ Қимматли қоғозлар ва биржалар комиссиясига тақдим этилган махфий ҳужжатларда маълум қилинган.
Маск тўлиқ мукофот пакетига эга бўлиши учун SpaceX бозор қиймати 7,5 триллион долларга етиши ҳамда Марсда камида бир миллион аҳолига эга доимий манзилгоҳ барпо этилиши лозим. Шунингдек, коинотда 100 тераватт қувватга эга ҳисоблаш инфратузилмасини яратиш ҳам қўшимча шарт сифатида киритилган.
Муваффақиятли натижа учун Маскка 200 миллион дона овоз бериш ҳуқуқига эга акциялар тақдим этилади.
Ҳозирда ишлаб чиқилаётган «Старшип» кемаси айнан Марсни ўзлаштириш учун мўлжалланган. Маскнинг таъкидлашича, сайёралараро миграция иқтисодий жиҳатдан ўзини оқлаши учун бир тонна юкни Марсга етказиб бериш нархи 100 000 доллардан паст бўлиши керак.
SpaceX ўзининг дастлабки оммавий акциялар савдосини (IPO) 2026 йил 28 июн куни ўтказишни режалаштирмоқда.
Изоҳлар 0
…