Хитойнинг Лисуан компанияси Microsoft сертификатини қўлга киритди

Хитойнинг Лисуан Теч компанияси ўзининг янги eXtreme LX видео карталари учун Microsoft томонидан WHQL сертификатини олди. Бу Хитой яримўтказгичлар саноати учун муҳим воқеа ҳисобланади. Бу ҳақда Ixbt.com хабар беради.

Лисуан Теч дунёда ушбу сертификатдан ўтган тўртинчи ишлаб чиқарувчига айланди. Бунга қадар фақат NVIDIA, AMD ва Intel компаниялари Microsoft WHQL сертификатига эга эди.

WHQL сертификати Windows тизимида драйверлар ва ускуналар сифатининг энг қатъий тасдиғи ҳисобланади. Microsoft қурилмаларни мослик, барқарорлик ва хавфсизлик бўйича текширади.

Ҳозирги вақтда Лисуан Теч eXtreme LX қаторида тўртта модель мавжуд. Улардан фақат LX 7Г100 ўйин видео картаси WHQL сертификатини олди.

Компания маълумотларига кўра, унинг унумдорлиги GeForce RTX 4060 билан тенглашади.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг