Боеинг компанияси 787 Дреамлинер узоқ магистралли самолётларини етказиб беришда янги кечикишлар юзага келганини маълум қилди. Компания раҳбари Келли Ортбергнинг сўзларига кўра, тайёр лайнерларнинг бир қисмини буюртмачиларга топшириш имкони йўқ. Бу ҳақда Ixbt.com хабар беради.
Бунга таъминотчилар билан боғлиқ муаммолар сабаб бўлмоқда.
Асосий муаммолар двигателлар етишмовчилиги ҳамда бизнес ва биринчи класс салонлари учун янги ўриндиқларни сертификатлаш жараёни чўзилиб кетгани билан боғлиқ. Эндиликда кечикишлар самолёт ишлаб чиқаришнинг ўзига эмас, балки ташқи ҳамкорлардан келадиган муҳим қисмларга боғлиқ бўлиб қолди.
Дреамлинер дастурида буюртмачилар GE ва Роллс-Ройcе двигателлари ўртасида танлов қилиш имкониятига эга. Бироқ ҳар икки ишлаб чиқарувчи ҳам юқори талаб ва ишлаб чиқариш занжиридаги чекловлар туфайли қийинчиликларга дуч келмоқда.
Самолётлар конвейердан чиқишда давом этмоқда. Биринчи чоракда Боеинг буюртмачиларга 15 та лайнерни етказиб берди, аммо тайёр машиналарнинг бир қисми ҳамон бутловчи қисмларни кутмоқда.
Қийинчиликларга қарамай, 787 моделига талаб юқорилигича қолмоқда ва буюртмалар портфели 1100 та самолётдан ошади.
“Zamin”ни Telegram'да ўқинг!
