"Samsung Элеcтрониcс" компаниясининг DS яримўтказгичлар бўлинмаси кўп йиллар ичида биринчи марта даромад ва операцион фойда бўйича "TSMC"ни ортда қолдирди. Хотира чипларига бўлган талаб ва нархларнинг ўсиши Корея гигантининг молиявий кўрсаткичлари кескин ошишига олиб келди. Бу ҳақда Ixbt.com хабар беради.
Натижада "Samsung" сўнгги 29 чорак, яъни етти йилдан ортиқ вақт ичида илк бор ўзининг асосий рақобатчисидан ўзиб кетишга муваффақ бўлди. Биринчи чоракда компаниянинг яримўтказгичлар бўлинмаси даромади "TSMC" кўрсаткичидан 19,3 млрд долларга кўп бўлди.
Шунингдек, операцион фойда ҳам рақобатчиникидан 15,4 млрд долларга юқори бўлгани қайд этилди. Маълумот ўрнида, "TSMC" асосан ҳисоблаш чиплари ишлаб чиқарса, "Samsung" биринчи навбатда турли хил хотира қурилмаларини тайёрлашга ихтисослашган.
“Zamin”ни Telegram'да ўқинг!
